وكالات//

دار الرابور الميريكاني المشهور “إيمينيم” واحد الإعلان واعر وحماسي كيكشف فيه على أنه غيخرج واحد الألبوم جديد ديالو فصيف 2024.

ودار الرابور المعروف في العالم كامل بزاف ديال البوسطات على السوشل ميديا كيقول فيها أن هاد الألبوم الجديد غيكون بعنوان”The Death of Slim Shady” ، ولكن ماعطا حتى شي تفاصيل أخرى.

وكيتعتابر هاد العمل هو الأول ديال نجم الراب الميريكاني، من هادي 4 سنين، وبزاف ديال الناس، خاصة لي فان ديالو، كيتسناو بحماس كبير الخروج ديال الألبوم.

ودار إمينيم شهرة كبيرة في العالم كامل وكيقولو لي فان ديالو أنه كسر الهيمنة ديال الروابة من البشرة السوداء، لي هوما لي حاكمين الساحة فالراب ديال ميريكان من هادي سنوات.