كود – وكالات //

لقات السلطات الأوكرانية جثة امرأة أوكرانية عندها 39 عام، كانت مطلوبة دولياً من طرف الإنتربول،  وحسب مصادر أمنية نقلات عليها وسائل إعلام أوكرانية، فالمرأة سميتها أناستاسيا بيريزوفسكا، وتلقات مقتولة بالقرطاس ليل الاثنين حدا كييف.

وكانت سلطات موناكو كتتهم بيريزوفسكا باستهداف رجل الأعمال الأوكراني فاديم إرمولاييف، بقنبولة خلات عدد من المصابين، من بينهم رجل الأعمال، والشريكة ديالو، وحتى ولدو، المحققين كيعتابرو أن العملية كانت مخدومة وماشي عمل فردي، وفتحوا تحقيق كبير باش يكشفو جميع المتورطين.

التحقيقات بينات أن المشتبه فيها هربات مباشرة من بعد التفجير لفرنسا، ومن بعد إيطاليا حتى وصلت لألمانيا وفنفس الوقت توقفو جوج مشتبه فيهم آخرين عندهم علاقة بالقضية.