كود سبور//

اتفق الاهلي المصري مع الدولي المغربي يحيى عطية الله باش يلعب معهم خلال المرحلة المقبلة، حسب ما كشفت عليه جريدة الأهرام المصرية.

وحسب الجريدة المصرية فمسئولين الأهلي توصلوا لاتفاق مع يحيي عطية الله بخصوص المقابل المالي اللي غاياخدو، وغايعطيوه مليون دولار فالموسم الأول وبزيادة سنوية 100 ألف دولار فالعقد ديالو لمدة 3 سنوات.

وكمل نفس المصدر وقال ان الأهلي كايتسناو قرار سوتشي الروسي فريق يحيى عطية الله بخصوص العرض اللي تقدم به سواء بالبيع النهائي للعقد ديالو مقابل مليون 200 ألف دولار أو الإعارة مقابل 500 الف دولار مع وضع خيار أحقية شراء العقد بصفة نهائية.