الرئيسية > الزين والحداكة > الأنوثة تقدر تخرج عليكم.. صباغة الضفران كتأثر على الجهاز التناسلي وكدير الكونصير
08/10/2019 02:00 الزين والحداكة

الأنوثة تقدر تخرج عليكم.. صباغة الضفران كتأثر على الجهاز التناسلي وكدير الكونصير

الأنوثة تقدر تخرج عليكم.. صباغة الضفران كتأثر على الجهاز التناسلي وكدير الكونصير

وكالات-كود//

نسبة كبيرة من النساء كتعجبهم صباغة الضفران باش يبانو زوينات وأنثويات، لكن أطباء روسيين خرجو في تقارير كيأكدوا أن الصباغة فيها مواد خيبة على الجسم ولي العلاج منها كيكون صعيب بزاف، وبعض المرات غير ممكن كاع.

وقال الأطباء والخبراء في قناة “إن تي في” الروسية، أن الصبايغ باش تبقى سائلة ومتكرمش كيديرو فيها “الفورمالديهايد” و”ديبوتيل فثاليث” و”التولوين” لكن هاد التخليطة كدير أعراض خيبة ماكاتبات حتال من بعد 10 سنين.

وحسب عالم السموم يفغيني كوفاليف التأثير كيكون على الكبد. من جهتها، قالت أولگا مولينا ولي هي مهندسة في معهد زيلينسكي للكيمياء العضوية، أن مادة ديبوتيل لي كتكون في الصباغة كتأثر على الجهاز التناسلي، ويمكن دير الكونصير.

ونصع الخبراء والأطباء باستعمال صباغة لي تكون خالية من المواد الخطرة لي قلنا الفوق، ويركزو على صباغة واش مازال تاريخها صالح ولا قدامت وولات بيريمي.

موضوعات أخرى