وكالات //

خطيب المغنية العالمية تايلور سويفت، اللاعب ديال فريق كانساس سيتي تشيفز ترافيس كيلسي، عايش واحد الضغط عائلي حيتّ مّو دونا باغا يكون عندهم مزيد ديال الحفدة.

ما كملش شهر على إعلان ترافيس كيلسي الخطوبة ديالو مع تايلور، اللي ربحات جائزة الغرامي، حتى بانت مّو فرحانة وكتساندهم وكتفكر معاهم فالمستقبل العائلي، ومن بينو الإنجاب.

وخلال الهدرة ديالو مع خّو جيسون والمدرب ديون ساندرز نهار 22 شتنبر، قال ترافيس باللي مّو كتميل لجيسون حيت عندو من قبل ربعة ديال الدراري، وزاد: “دارت عليا الضغط”، فإشارة لرغبتها يشد الطريق هو وتايلور ويولّفوا الدراري.

ولكن ترافيس وتايلور ما مستعجلينش، حيث واحد المصدر قال لمجلة People باللي الزوجين مركزين دابا على الاستمتاع بخطوبتهم، بلا ما يفكرو فالعرس ولا فالإنجاب دابا. وزاد نفس المصدر باللي بجوج فرحانين بالإعلان ديال الخطوبة ديالهم وباغين ياخدو الوقت ديالهم للمرحلة الجاية.

وكانو بجوج علنو على خطوبتهم الشهر اللي فات فـ “إنستغرام”، بصور رومانسية فحديقة ومعاها تعليق: “أستاذ الإنجليزية وأستاذ التربية البدنية غادي يتزوجو”.