نجوى المالحي-كود//

البارح السبت كان استثنائي عند الأمير هاري ومراتو الممثلة المعتزلة ميكَان ماركل بعدما قامو بتعميد ولدهم اللول آرتشي.

الاحتفال محضراتش ليه ملكة بريطانيا، الملكة إليزابيث الثانية. وداروه في قلعة وندسور بحضور 25 ضيف، بينهم الأصدقاء والعائلة والمقربين.

الكونط أوفيسيال ديال الأمير هاري وميكَان ماركل في انستكَرام حطو صور من تعميد آرتشي وكتبو عليها : “إن دوق ودوقة ساسكس فرحانين بزاف بمشاركتهم هاد النهار معاكم، وشكرو الجميع على الدعم. وهوما فرحانين حيت اتمتعوا بهاد اللحظة”.

وهادي ماشي أول مرة ملكة بريطانيا ماحضراتش فيها لتعميد، العام اللي فات مكانتش في تعميد الأمير لويس، وهو ولد حفيدها الأمير وليام.

https://www.instagram.com/p/BzlHhZylvwT/?igshid=1hwxau2u5mm6i