وكالات//

قرر الأمير هاري ومراتو ميغان ماركل أنهم يتحولو للبرتغال، وهادشي بان مللي شراو واحد العقار تما.

على حساب مانقلات بزاف ديال التقارير الصحفية الميريكانية والبريطانية، فالهدف ديال الأمير هاري ومراتو هو يدمجو وليداتهم بجوج الأمير آرتشي والأميرة ليليبت في الثقافة الأوروبية ويقربوهوم من العائلة، خاصة ولاد الأميرة يوجيني لي كتعيش في البرتغال.

وكتقول خبيرة في العائلة الملكية البريطانية أن هاد القرار يقدر يكون هو أول خطوة من هاد الكوبل باش يتقربو من العائلة الملكية البريطانية ويرجعو ليها.

وكيجي هادشي في الوقت لي خرجات فيه بزاف ديال التقارير الصحفية الميريكانية وقالت إن الأمير هاري ومراتو مامرتاحينش لصعود دونالد ترامب للرئاسة ديال ميريكان، ويقدرو يخرجو منها بشكل نهائي في المستقبل القريب.