وكالات

كتعيش العائلة الملكية في بريطانيا وحدة من أصعب الفترات في التاريخ ديالها بعدما تزادت المشاكل والخلافات بين الأفراد ديالها.

وعلى حساب ماقالت بزاف ديال التقارير الصحفية البريطانية فهادشي خلا الأمير هاري لي عايش فميريكان يكون مستعد وأكثر انفتاح باش يرجع ليها.

وأكدات نفس المصادر ان الأمير هاري بغا يحل صفحة جديدة مع العائلة ديالو واخا الاتهامات لي وجهها للوالد ديالو الملك تشارلز، والأخ ديالو الأمير ويليام.

ولكن، وعلى حساب ما جا في نفس التقارير، فالعائلة الملكية مقسمة ومترددة بخصوص الرجوع ديال الولد ديالها الأمير هاري.

وزاد من حدة هاد الانقسامات، الاعترافات الأخيرة لي خرج بيها الأمير هاري في الكتاب الأخير ديالو لي دار البوز فميريكان.