وكالات//

دار الأمير هاري واحد التعليق مضحك ولكن مفاجئ شوية على العلاقة بين الإخوة، وهو حاضر ف حفل ديال جمعية خيرية سميتها “ويل تشايلد”، نهار الإثنين، رغم أنه ما كانش بعيد بزاف على خوه الأمير ويليام، غير تقريبا بثمانية أميال.

فوسط الحفل، سولو واحد من الدراري الصغار على خوتو، جاوبه هاري وهو كيتفلى: كيهبل عليك؟”

الدرّي ضحك وقال:

“لا، احنا متفاهمين مزيان” وهادشي خلا الناس اللي حاضرين يضحكو.

هاد التعليق جا ف وقت كانت فيه أخبار كتقول بلي ويليام رفض واحد “عرض ديال الصلح” اللي دارو هاري قبل ما يرجع لإنجلترا.

هاري، اللي كانت زيارتو مركّزة على الأنشطة الخيرية مع الدراري الصغار، قال ف دردشة مع واحد من الفائزين بالجوائز:

“ديما كنت كنضحك مع جدي وجدتي، وخاصك تعرف أن الخدمة مع الدراري كتخليك تحس براسك باقي صغير… كيبانو فيا المشاعر ديال الطفولة.”

وزاد قال: من بين جميع الصفات اللي في هاد الأطفال، الصبر ديالهم هو اللي كيحمق.”

هاري رجع لإنجلترا غير لأربعة أيام، وخلى مراتو ميغان ماركل ووليداتو آرتشي وليليبت ف كاليفورنيا. وفهاد الزيارة، شارك ف بزاف ديال الأعمال الخيرية، بحال لقاء مع مؤسسة “الأطفال اللي محتاجين”، وتبرّع بواحد المبلغ باش يعاون الأطفال اللي عايشين ف ظروف صعيبة ف بريطانيا.

وحتى مشى زار قبر جدتو الملكة إليزابيث الثانية ف وندسور، وخلى واحد الإكليل ديال الورد.

ورغم أن خوه ويليام كان قريب منو، ما كان حتى شي لقاء بيناتهم، وكيقولو الناس بلي العلاقة بيناتهم مازال فيها التوتر.