وكالات//
خرج الأمير هاري طول وعرض في العائلة الملكية البريطانية، وهادشي جا في اعترافاتو لي خرج بيها في الفيلم الوثائقي الجديد ديالو.
وداير فيلمو الجديد لي سيميتو Heart of Invictus بوم في بريطانيا وميريكان والعالم كامل، وخرجاتو شبكة نتفليكس.
وقال هاري في واحدة من الاعترافات ديالو إن العائلة الملكية ماعاوناتوش كيفما كان خاصها تعاونو مللي عانى من مشاكل نفسية.
وأكد هاري في الدوكيمونطير لي تنشر في 5 ديال الأجزاء أن العائلة ماعطاتوش الدعم النفسي والمعنوي اللازم بعدما ماتت ماماه، الأميرة ديانا وحتى مللي مشى للخدمة العسكرية في أفغانستان.
