وكالات//

كتدرس العائلة الملكية في بريطانيا إمكانية باش تمنع الأمير هاري من نشر كتابو الجديد، لي كيتضمن مذكراتو، لي غالبا غادي تكون فيها إساءات للأسرة، خصوصا بعد وفاة جداتو الملكة إليزابيث الثانية.

وكان من المتوقع باش يخرج الأمير هاري الكتاب الجديد ديالو في الأسابيع المقبلة إلا أنه أجل الأمر للأشهر الجاية حتى يزيد فيه فصول جديدة يعاود فيها داكشي لي تعرض ليه في جنازة جداتو الملكة اليزابيث.

من جهتو حذر كبير الخدم الملكي السابق لهاري، جاردينر، من نشر لكتاب وقال أن فيه انتقادات للعائلة المالكة وهادشي غادي يعرض هاري ومراتو ميغان لخطر النفي من المملكة المتحدة، وغادي يسد الباب قدام أي مصالحة قادمة بينو وبين الأب ديالو الملك.

وخدا الأمير هاري 20 مليون دولار من دار Penguin Random House الناشرة كتعويض على نشر الكتاب ومن المتوقع باش يتبرع بيها للأعمال الخيرية.