وكالات//

فجرات التصريحات ديال مصممة الأزياء الخاصة بأولاد الأمير ويليام ومراتو كيت ميدلتون أزمة كبيرة في بريطانيا والعاشقين ديال العائلة الملكية، وهادشي بسباب الصحة ديال كيت ميدلتون.

وقالت أمايا أريتا، مصممة الأزياء الخاصة بالأولاد الثلاثة ديال الأمير ويليام، الأمير جورج، والأميرة شارلوت والأمير لويس، أنها حزينة بزاف على الوضعية ديالهم بجوج.

وصرحات أريتا في حوار ليها مع جورنال “الغارديان” البريطاني وهي كتقول: “كنظن أنهم كيعيشو الجحيم، أنا حزينة بزاف بسبابهم”.

هاد التصريحات كتجي في الوقت لي بزاف ديال الناس مزال مخلوعين على الوضعية الصحية ديال “كيت ميدلتون” حينت لحد الآن مزال ماعلنوش على النوعية ديال السرطان لي مريضة بيه.