وكالات//

كتستعد الشبكة ديال ZDF  الألمانية انها تطلق فيلم وثائقي جديد على الأمير هاري، ومراتو ميغان ماركل سميتو “هاري.. الأمير المفقود”.

على حساب ماقالت الصحافة الألمانية والعالمية هاد الفيلم غادي يتعرض نهار 3 في شهر ديسمبر الجاي، على الساعة 8 وربع في الليل.

وأكدات نفس التقارير ان الفيلم غادي يكشف على معلومات جديدة عندها علاقة بالحياة ديال الأمير هاري ومراتو ميغان ماركل.

وماشي هذا هو اول فيلم وثائقي كيهضر على الفيلم ديال الأمير هاري ومرواتو، حينت سبق لشبكة نتفليكش انها خرجات فيلم اخر عليهم.

كيجي هادشي في الوقت لي قرر فيه الكوبل انه يتحول للبرتغال باش يعيش فيها، بعدما وصل دونالد ترامب للرئاسة ديال ميريكان.