وكالات //

دخلات الأميرة البريطانية بياتريس في الفترة الأخيرة فواد الحالة ديال الحزن خايبة بزاف بعدما عرفات الموت ديال الحبيب ديالها السابق، الميريكاني “باولو ليوزو” في ظروف مأساوية فشي أوطيل في ميامي.

على حساب ماقال الجورنال ديال “الصن” البريطاني، فالعلاقة بين الأميرة والميريكاني بدات من عام 2005، فين كانت بياتريس فعمرها 17 عام، وهو عندو 24 ولكن تفارقو بعد عام واحد فقط.

كيقول الجورنال أن الأميرة تعرضات لصدمة كبيرة فين عرفات أنه مات، وهو شي لي خلاها تدخل في حالة حزن خايبة بزاف.

وواخا دابا البوليس مزال ماعلنوش على سبب الوفاة، غير التقارير لي جايا من ميريكان كتقول أنها شي أوفردوز ديال المخدرات.

وكان هاد صاحبها معروف بأنه متورط ف القضايا ديال القمر والحشيش، وسبق ليه تشد في أستراليا لهاد السبب نيت.