الرئيسية > آش واقع > الأمم المتحدة اعتمدات 10 ماي كيوم دولي لشجرة الأركَان
03/03/2021 18:50 آش واقع

الأمم المتحدة اعتمدات 10 ماي كيوم دولي لشجرة الأركَان

الأمم المتحدة اعتمدات 10 ماي كيوم دولي لشجرة الأركَان

كود كازا//

قررات الجمعية العامة للأمم المتحدة، اليوم الأربعاء، توافق على مشروع قرار من اقتراح المغرب، باعتماد تاريخ 10 ماي كيوم دولي لشجرة الأركان.

وتم التصويت على مشروع القرار رقم A/75/L.62 من طرف الأعضاء بالإجماع، للاحتفال بشكل رسمي باليوم الدولي لشجرة أركَان كل سنة فالربيع.

وكيف جا فالقرار، فشجرة الأركَان “Argania spinosa” هي نوع من الأشجار الغابية اللي كاينة فالمغرب، تم تصنيفها كمحمية من محميات المحيط الحيوي لليونسكو عام 1998.

القرار اللي تم التصويت عليه كيقول ان نبتة لأركَان متعددة الاستعمالات، وعندها دور كبير فتحقيق التنمية المستدامة، وعدا لوجوب الحفاظ عليها، للدور ديالها فالحفاظ على التوازن الإيكولوجي والنوع البيولوجي.

موضوعات أخرى

21/04/2021 19:10

قضية الممثلين الدزايريين اللي مشدودين بسباب إهانة دراري مغاربة ف مراكش.. المتهمين خداو التنازل من عائلات الضحايا والملف دخل للمداولة