وكالات//

من بعد 48 عام ديال الحبس غير العادل، حصل المواطن جابوني إيواو هاكامادا، اللي عندو 89 عام، على تعويض تاريخي من الحكومة اليابانية القدر ديالو 217 مليون ين (اللي كيعادل 1.44 مليون دولار)، حسب ما ذكرت وكالة كيودو اليابانية للأنباء نهار الثلاثاء.

محكمة شيزوكا الجزئية حكمات الاثنين، وقالت للحكومة خاصها تخلص التعويض بعدما تم تبرئة هاكامادا في شهر سبتمبر من العام الماضي خلال إعادة محاكمته في القضية اللي معروفة بقضية “مجزرة شيزوكا”، اللي كانت في عام 1966، وكان تقتل الباطرون ديالو ومراتو و2 ولادو في وسط اليابان.

بحسب الفريق القانوني ديال هاكامادا، هاد المبلغ هو أكبر تعويض جنائي في تاريخ الجابون، حيث القانون الياباني كينص على أنه كل واحد يتم تبرئته عندو الحق في تعويض يصل ل12,500 ين على كل يوم من الاحتجاز.

قصة هاكامادا بدات منين شدوه في 1966 وهو كان ملاكم محترف سابق، وتهموه بقتل العائلة اللي كان خدام عندها. هاكامادا اعترف بالجريمة بعد 20 يوم ديال التحقيقات القاسية، وقال أنه تعرض للضرب والتهديد. ولكن تراجع على اعترافو فيما بعد خلال المحاكمة.

ورغم أنه كان كيّنكر التهم، حكموا عليه بالإعدام، وقضى أكثر من أربعين سنة كيستنى في زنزانة انفرادية، الشي اللي خلا صحته العقلية تتدهور بشكل كبير.