الرئيسية > آراء > الأصالة و المعاصرة كايوسخو الناظور بالمنشورات ديالهم : واش حزب ماقادرش حتى يأطر الناس لي كايديرو ليه الحملة و يوعيهم مايلوحوش الوراق فالطريق غادي يقنعني أنا باش نصوت عليه ؟
30/08/2021 15:00 آراء

الأصالة و المعاصرة كايوسخو الناظور بالمنشورات ديالهم : واش حزب ماقادرش حتى يأطر الناس لي كايديرو ليه الحملة و يوعيهم مايلوحوش الوراق فالطريق غادي يقنعني أنا باش نصوت عليه ؟

الأصالة و المعاصرة كايوسخو الناظور بالمنشورات ديالهم : واش حزب ماقادرش حتى يأطر الناس لي كايديرو ليه الحملة و يوعيهم مايلوحوش الوراق فالطريق غادي يقنعني أنا باش نصوت عليه ؟

سهام البارودي – كود//

الأصالة و المعاصرة حاضرين بقوة فالناضور بالحملة ديالهم الانتخابية و فين مادرتي كايبانو ليك !

هادشي مزيان ولكن لي ماشي مزيان هوا الحملة ديالهم تولي مصدر تلوث فالمدينة ! تلوث بيئي و تلوث بصري ! حيت المشاركين فالحملة ديالهم كايشتتو المنشورات  فالشارع العام بلا حشمة بلا حيا ! كايوسخو المدينة لي كايواعدو انهم ينقيوها و ينهظو بيها !

ايوا بداو من دابا نيت ! آش هاد التناقض ؟ راه قالو الناس القدام النهار الزين كايبان من صباحو ! و راه مابان ليا نهار زين مع الأصالة و المعاصرة فالناضور هاد الساعة! حزب ماقادرش حتى يأطر المشاركين فالحملة ديالو و يوعيهم بضرورة الحفاظ على البيئة واش عاد غانعولو عليه يأطر المواطنين ؟ عاد غانتسناو منو الخير ؟

موضوعات أخرى