كود سبور//

كيواصل المنتخب الوطني لأقل من 17 سنة استعداداتو للماتش ديال ثمن نهائي مونديال U17، اللي غيلعبوه ضد المنتخب الإيراني، يوم الثلاثاء بأندونيسيا اللي كتحتضن المسابقة إلى غاية 2 دجنبر 2023.

ودارو الأشبال اليوم الأحد فالعشية، حصة تدريبية على أرضية ملعب “كلورا 10 نونبر”، بمدينة سورابايا، امتدت لحوالي ساعة و25 دقيقة ركز من خلالها سعيد شيبا، مدرب المنتخب الوطني لأقل من 17 سنة على الجانب التقني والتكتيكي.

المعنويات داخل المنتخب الوطني المغربي مرتفعة والتركيز قوي قبل الماتش ضد المنتخب الإيراني ضمن ثمن نهائي المونديال، اللي غيتلعب الثلاثاء الجاي مع الواحدة ظهرا بالتوقيت المغربي.