كود سبور//

تأهل المنتخب الوطني المغربي لأقل من 20 عام، لدومي فينال كhس أفريقيا U20، وكأس العالم لنفس الفئة السنية.

وجا تأهل المنتخب المغربي، بعدما ربحو منتخب سيراليون فماتش صعيب اليوم الاثنين فربع نهائي كأس إفريقيا لأقل من 20 فمصر، بنتيجة واحد لزيرو، وهو الهدف اللي ماركاوه الأشبال فالشوط الإضافي الثاني بواسطة بومسعودي، بعدما سالا الوقت الأصلي من الماتش بالتعادل السلبي زيرو لزيرو، مع العلم أن سيراليون كملو اللعب ناقصين بعدما تطرد لهم مدافع فاللحظات الأخيرة من الشوط الثاني حيث ضرب الكورة بيديه، وراه كاينين شكوك فالعمر ديال لاعبين سيراليون حيث كايبانو كبار وعندهم كثر من 20 عام.

وبهذا الرباح تأهل المنتخب المغربي إلى دومي فينال كأس إفريقيا لأقل من 20 عام، وغايلعبو ضد منتخب مصر أو غانا.