كود سبور-فاس//
وصل المنتخب الوطني المغربي ظهر اليوم الخميس لمدينة فاس، استعدادا الماتش ديالو ضد تونس غدا الجمعة وضد البنين يوم الاثنين الجاي فتيران فاس الكبير.
ومشات بعثة المنتخب الوطني المغربي لفاس الكار اللي داهم من مركب محمد السادس فسلا لفاس وگلسو لوطيل اللي غايكون مقر الاقامة ديالهم بالعاصمة العليمة، باش يرتاحو ويتغدوا، وفالعشية عندهم حصة تدريبية اخيرة قبل الماتش ضد تونس غاتون مع 7 و 45 دقيقة فتيران فاس الكبير اللي غايتلعب فيه الماتش غدا.
وكاينة اجواء زوينة داخل المنتخب الوطني المغربي، واخا كاينين غيابات بحال براهيم دياز اللي تبين انه ما يقدرش يلعب بسبب الاصابة اللي عندو وجا بها من ريال مدريد، وشكوك واش يقدر يلعب عبد الصمد الزلزولي حيث توعت مع ريال بتيس، اما نصير مزراوي ونايف أگرد ما جاوش حيث توعتو بجوج، الاول مع مانشستر يونايتد والثاني مع ريال سوسيداد.
