كود سبور//

عبرو لاعبين المنتخب الوطني المغربي على الفرحة ديالهم حيث ربحو الگابون فالگابون، اليوم الجمعة برسم الجولة 5 من اقصائيات كاس افريقيا “المغرب2025”.

وهضرو لاعبين المنتخب المغربي فتصريح لقناة الرياضية بعدما ربحو الگابون بنتيجة 5 لواحد ففرانس فيل، وقال بلال الخنوس: “حنا فرحانين بزاف، اليوم خرجنا من المغرب لعبنا فالگابون، وربحنا هذا الماتش وفرحانين بزاف”.

جمال حركاس حتى هو هضر، وقال: “قدرنا نربحو فهاد الماتش اللي ماكانش ساهل بالنسبة لنا وهذا الشي غايخلينا نخدمو مرتاحين للماتش الجاي وكانشكر اللاعبين على الروح القتالية اللي عندهم، وما علينا غير تكملو ونزيدو فالخدمة باش نكونو عند حسن ظن الجمهور المغربي كامل”.

أما إلياس بنصغير، قال: “كان مهم لنا نقلبو على 3 بوان من برا المغرب ومنافس بحال الگابون اللي ورانا فالكلاسمون وحققنا الرباح وحنا دابا الاولين ومتقدمين فالترتيب بزاف”.