كود سبور//

عبرو اللاعبين الدوليين المغاربة على الفرحة ديالهم بقرار مجلس الأمن الداعم لمغربية الصحراء، بعد التصويت على اعتماد مبادرة الحكم الذاتي المغربية أساسا لتسوية النزاع.

ومن بعد تصويت مجلس الأمن على القرار اللي تقدمت به مريكان، خرجو لاعبين المنتخب الوطني المغربي ونشرو سطوريات فليكونط إنستغرام ديالهم، عبرو فيها على فرحتهم بهذا القرار حطو فيها تصويرة الملك محمد السادس وشعار الله الوطن الملك، ومن بين هاد اللاعبين اشرف حكيمي، براهيم دياز، وبلال الخنوس، وعز الدين اوناحي، وياسين بونو، والناخب الوطني وليد الركراكي.

وكايعكس تفاعل اللاعبين المغاربة بهذا الاعتراف الأممي بمغربية الصحراء، شحال المغاربة فرحانين بهذا القرار من گاع أنحاء المملكة وخارج المغرب، واعتزازهم بكل شبر من لبلاد سوا كانو مزيودين وكابرين بالمغرب او من ولاد الجالية المغربية.