كود سبور//

تضامنو لاعبين المنتخب الوطني المغربي مع لاعب الوداد الرياضي أسامة فلوح اللي داخل فكومة سيمانة هادي بسباب كسيدة خايبة بطوموبيل.

لاعبين المنتخب الوطني المغربي والطاقم التقني وبعدما سالا ماتش المغرب وليبيريا فتيران أدرار، دخلو الفيستيير وتصورو مع صورة ديال أسامة فلوح، فجيست إنساني عبرو من خلالو على تضامنهم معاه فهاد الوقت الصعيب اللي كيعيشو هو وعائلتو.

وكان أسامة فلوح وجوج صحابو دارو الاربعاء للي فات كسيدة خايبة فكازا، بعدما دخلو بطوموبيلتهم فرموك ودخل اللاعب فكومة من هذاك الوقت لدابا.