كود سبور- فاس//

قدر المنتخب الوطني المغربي بخرج رابح البنين فالماتش الودي اللي بادي مساء اليوم الاثنين بين المنتخبين فتيران فاس الكبير، استعدادا لكأس أفريقيا 2025.

وكان الشوط الأول بين المنتخب الوطني والبنين غادي يسالي بنتيجة التعادل السلبي زيرو لزيرو، حيث ماقدروش الأسود والناخب الوطني وليد الركراكي يلقاو الحلول واخا سيطرو على الكورة والفرص اللي خلقو، مع العلم أن الركراكي بدل ودار تغييرات كثيرة على التشكيلة بالمقارنة مع الماتش الماضي ضد تونس، وضد البنين گلس أشرف حكيمي فالاحتياط وبونو والنصيري وبنصغير ودخل سفيان رحيمي وأيوب الكعبي والصباري الواحدي، ولكن فالوقت بدل الضائع نجح القناص أيوب الكعبي وماركا الهدف الأول للأسود.

ومطالب وليد الركراكي باش يلقى الحلول فالشوط الثاني ضد البنين، ويدير تغييرات إلى تعطل الهدف الثاني، خصوصا أن الخصم راجع اللور وكايدافع مزيان، وخاص اللاعبين اللي يختارقو فالمساحات الصغيرة ويلقاو الحل باش يماركيو أهداف أخرى.

الشوط الأول من ماتش المغرب ضد البنين عرف تفاعل كبير من الجمهور المغربي فتيران فاس مع الأسطورة المغربية أشرف حكيمي، وطلعو تيفو فالمدرجات فيها تصويرتو واحتفلو به حيث ربح ألقاب كثيرة مع باريس سان جرمان وعلى راسها دوري أبطال أوروبا وشجعوه يربح كوب دافريك.