كود سبور//

حبس اسطورة التنس، الاسباني رافاييل نادال الكاريير ديال، بعد مسار طويل حافل بالألقاب والإنجازات التاريخية، وجا هذا الشي بعدما خسر مع منتخب إسبانيا أمام هولندا البارح الثلاثاء فكاس ديفيس.

وخسر رفاييل نادال مع الهولندي بوتيك فان دي زاندسكولب، فثمن النهائي بنتيجة ومجموعتين لزيرو، 6-4 و 6-4، وكان هذا آخر ماتش للاسطورة الاسباني اللي قرر يعتزل بعدما وصل لعمر 38 عام، ومن بعد الماتش خرج كايبكي من التيران وسط اجواء حزينة، وتأثر كبير منو هو ومن الجمهور.

ويعتبر الإسباني رافاييل نادال من أساطير التنس العالمي عبر التاريخ، وكاين اللي كايقول انه أحسن لاعب داز فهاد اللعبة، بالألقاب والأرقام اللي حقق، واللي منها 22 لقب فبطولات لگراند سلام، 14 منها ربحها رولان گاروس.