گود سبور//

گاعما مسوق الدولي المغربي أشرف حكيمي نجم باريس سان جرمان الفرنسي، لاتهامات المدعي العام الفرنسي له بالاغتصاب، في قضية الشابة الفرنسية اللي تقدمت ضدو بشكاية عام 2023 كاتدعي انه تعدى عليها جنسيا.

وبعد مرور 24 ساعة على تقديم المدعي العام الفرنسي بملتمس لقاضي التحقيق بالمحكمة الفرنسية لمتابعة اشرف حكيمي جنائيا بتهمة الاغتصاب، طمن النجم المغربي العشاق ديالو بواحد السطوري على إنستغرام اكد لهم فيه انه بخير وكايتبحر ومدوز العطلة ديالو وانه تايق فالبراءة ديالو، مع العلم انه مدة عادي وهو مسافر كايدوز العطلة اللي عطاو باريس سان جيرمان خارج فرنسا باش يرتاح بعد موسم طويل تألق فيه بشكل كبير لدرجة ان مرشح من عند بزاف ديال المتتبعين للكورة العالمي للفوز بالبالون دور.

وللإشارة فالمحامية ديال شرف حكيمي اكدت فتصريحات لوسائل الإعلام الفرنسية، ان هذا الشي اللي دار المدعي العام بإلتماس تقديم أشرف حكيمي للمحكمة الجنائية بتهمة الاغتصاب داخل فخدمة المدعي العام، اللي الدور ديالو هو يجمع الأدلة ضدو وانهم هنا كدفاع ديال النجم المغربي عندهم ادلة البراءة ديالو وغايقدموها، وقالت ايضا ان الخبرة اللي تدارت على البنت المشتكية هي لصالح حكيمي حيث ما باتش علي اثار التعرض للاغتصاب.