گود سبور//

ولى الدولي المغربي اشرف حكيمي أغلى لاعب ممارس لكرة القدم من إفريقيا فالعالم، وأغلى لاعب داز فالكورة المغربية.

وطلعت القيمة السوقية ديال اشرف حكيمي نجم باريس سان جيرمان الفرنسي، إلى 80 مليون أورو، حسب ترانسفير ماركيت الموقع المتخصص فتقييم مستوى اللاعبين، وهي أعلى قيمة سوقية للاعب افريقي دابا، وكاين وراه المصري عمر مرموش لاعب مانشستر سيتي بـ75 مليون أورو، والمواطن ديالو محمد صلاح لاعب ليفربول بـ 50 مليون أورو.

ويعتبر أشرف حكيمي دابا أحسن لاعب إفريقي وإحسن ظهير أيمن فالعالم كامل،  وأسطورة مغربية فالكورة، وواحد من النجوم التارخيين ديال باريس سان جيرمان الفرنسي، بعدما قاد الفريق لتحقيق اول دوري أبطال أوروبا فالتاريخ ديالو.