كود سبور//

كايواجه الدولي المغربي السابق احمد فرس، ازمة صحية صعيبة والحالة ديالو زادت صعابت ومازال ما تلقى العلاج فالسبيطار.

وكان فوزي لقجع رئيس الجامعة الملكية المغربية لكرة القدم، قام زيارة للأسطورة احمد فرس فالدار ديالو فمدينة المحمدية باش يطمن عليه ويرفع له المعنويات وهذا الشي دخل الفرحة على فرس.

وبعدها عطى فوزي لقجع التعليمات ديالو باش يتلقى احمد فرس العلاج فالسبيطار، وحسب مصادر قريبة من الدولي المغربي السابق فبالفعل مشى دار التحاليل وقالو له حتى نعيطو لك، ولكن الحالة ديالو صعيبة والمرض محنو دابا وخاصو يدخل للسبيطار بشكل عاجل.

ويعتبر أحمد فرس من اساطير كرة القدم الأفريقية وماشي غير المغربية، وهو الكابيتان اللي رفع كاس افريقيا اللي ربحها المغرب عام 1976، واول مغربي ربح الكورة الذهبية.