عمـر المزيـن – مكتب الرباط//

كشف رئيس الجماعة الحضرية لمدينة فاس، إدريس الأزمي الإدريس، أنه قرر وضع بزاف ديال العقارات الجماعية رهن الإشارة ديال رئيس المحكمة الإدارية بفاس باش تتباع فالمزاد العلني حتى تتمكن الجماعة من أداء لكريدي اللّي عالق عليها وخلاه ليها الرئيس السابق حميد شباط.

وحسب ما أكده العمدة الأزمي، خلال لقاء اللّي دارو لتقديم الحصيلة ديال جماعة فاس لمدة 3 سنوات، فإن هاد الخطوة ديال بيع عقارات الجماعة جاءت لتنفيذ مجموعة من الأحكام القضائية بذمة الجماعة، وتحكمات لصالح عباد الله اللّي تعدات الجماعة على الممتلكات ديالهوم.

وكشف رئيس جماعة فاس أن الدين الموجود بالذمة ديال الجماعة تجاوز 15 مليار سنتيم، مؤكدا أن المجلس الجماعي ديال العاصمة العلمية معندوش السيولة باش يخلص هاد الدين وهادشي علاش قرر يحط هاد العقارات ديالو للبيع فالمزاد العلني.