عمر المزين – كود///

كشف الحسين يوعابد، المسؤول على التواصل داخل المديرية العامة ديال الأرصاد الجوية، أن الشتا غادي تكون اليوم الثلاثاء قوية فكازا، موضحا باللي غدا الأربعاء غادي تكون أقل شويا لكن مزال كاينة فالعاصمة الاقتصادية.

يوعابد كشف فتصريحاتو لـ”كود” أن الحرارة غادي تكون فكازا عادية، إذ غادي تتراوح بين 15 و17 درجة، مشيرا إلى أنه انهار الخميس والجمعة غادي يكون الطقس مستقر فكازا، على غرار بزاف ديال المدن اللي غادي يستقر فيها الطقس تدريجيا.

لكن، حسب المتحدث، غادي يبان انهار السبت واحد المنخفض جوي لي غادي يدخل عاود لبلادنا، وممكن يعطي الشتا ضعيفة فكازا والرباط خلال الويكاند الجاي، مشيرا باللي لغيام مع الشتا ضعيفة غادي تكون بين كازا والرباط يومي السبت والأحد.