كود – كازا/////

توقعات المديرية العامة للأرصاد الجوية، بالنسبة لليوم الثلاثاء، باش تطيح الشتا وغاتكون شتا رعدية مهمة محليا، بكل من مناطق طنجة، واللوكوس والريف والغرب.

المديرية كشفات باللي الأجواء غادي تكون فيها الغيام فمعظم الأوقات وغادي تكون الشتا فوق كل من مناطق السايس، والواجهة المتوسطية، وشمال المنطقة الشرقية، والأطلس المتوسط و هضاب الفوسفاط ووالماس.

كما يرتقب يطيح الثلج فوق قمم مرتفعات الأطلسين الكبير وحتى المتوسط، واللي غادي يتعدى علوها 1900 م، و مرتفعات الريف و شرق البلاد، والتي يتجاوز علوها 1400 م.

وغادي يتوقع حتى تسجيل هبات رياح قوية نوعا ما بكل من سهول المحيط الأطلسي الشمالية، والريف، والأطلس المتوسط، والسايس، والأقاليم الجنوبية وشرق البلاد، و محليا بالساحل المتوسطي.

وستتراوح درجات الحرارة الدنيا ما بين 10- و 05- درجات بمرتفعات الأطلس، وما بين 01- و 04 درجات بالريف، والجنوب الشرقي للبلاد و الهضاب العليا الشرقية، وما بين 12 و 16 درجة بالأقاليم الجنوبية و بالقرب من السواحل، و ستكون ما بين 06 و 10 درجات في ما تبقى من ربوع المملكة. أما درجات الحرارة خلال النهار، فستعرف ارتفاعا طفيفا بكل من مرتفعات الأطلس، والجنوب الشرقي و جنوب المنطقة الشرقية.

أما لبحر غادي يكون هائج إلى قوي الهيجان بالواجهة المتوسطية، وقليل الهيجان إلى هائج بالبوغاز، وهائجا إلى قوي الهيجان شمال العرائش، وقوي الهيجان إلى جد قوي الهيجان بين العرائش وطرفاية، وهائجا في باقي السواحل.