الرئيسية > كود سبور > الأردن: الحسين عموتة مستمر معنا والعقد ديالنا معه فيه 3 سنين
27/02/2024 11:40 كود سبور

الأردن: الحسين عموتة مستمر معنا والعقد ديالنا معه فيه 3 سنين

الأردن: الحسين عموتة مستمر معنا والعقد ديالنا معه فيه 3 سنين

كود سبور//

أكدت سمر نصار أمين عام الاتحاد الأردني لكرة القدم أن الإطار المغربي الحسين عموتة مستمر مع منتخب الأردن، وخا كان قال بعد الإنجاز اللي حقق مع النشاما فكأس آسيا بالوصول للفينال أنه غيمشي بحالو بعد 4 اشهر حيث عندو ظروف عائلية.

وخرجت سمر نصار وكشفت على مستقبل الحسين عموتة مع منتخب الأردن، وقالت فحوار مع “أبوظبي الرياضية: “صحيح هو اعلن أن عندو بعض الظروف الشخصية، ولكن هو مستمر مع المنتخب إنشاء الله وحنا مقدرين خصوصية الوضع ديالو وعندو بعض الأمور الشخصية اللي خاصو يراجعها ولكن هو مستمر مع المنتخب فالمرحلة الجاية”.

وأكدت المسؤولة فالاتحاد الأردني لكرة القدم: “العقد ديال الحسين عموتة ممتد لـ3 سنوات المقبلة، وحنا ما تفاجأناش ملي قال غيخلي المنتخب الأردني بعد 4 اشهر حيث حنا عارفين أن عندو بعض الظروف العائلية وكنتمناو تكون تحلات وهو متواجد دابا فالمغرب وغيكون مع المنتخب الأردني فشهر مارس الجاي فإقصائيات كأس العالم”.

وكملت: “هو مدرب قدير وكادر فني محترف وحنا عندنا عوامل نجاح كثيرة، عندنا لاعبين موهوبين وتخطيط استراتيجي وكادر إداري وطبي محترف وعندنا جماهير داعمة وإعلام ومعادلة النجاح فيها عدة مكونات، وأكيد حنا كنقدمو كل الاحترام للحسين عموتة والطاقم ديالو المحترف اللي فعلا قدر يدير نقلة نوعية فالأداء ودخل تكتيك جديد على الكورة الأردنية وولينا كنشوفو كرة قدم ممتعة وكتلعب فالأرض وأسلوب ممتع والحسين عموتة مستمر معنا”.

موضوعات أخرى

22/04/2024 07:00

قاضي التحقيق بابتدائية سطات هبط موظف سجن عين علي مومن الحبس وها التهم للي توجهات ليه