گود سبور//

يقدر يلعب المنتخب الوطني المغربي ضد منتخب الأرجنتين، ماتش أميكال الشهر الجاي حسب ما كشفت عليه وسائل إعلام أرجنتينية.

وقالت جريدة Olé الأرجنتينية، أن منتخب الأرجنتين، غايلعب ضد منتخب أونگولا فـ لواندا ماتش أميكال يوم 10 نوفمبر الجاي، وكان غايلعب ضد منتخب الهند فـ الهند يوم 18 من نفس الشهر، ولكن هذا الماتش ما بقاش غادي يتلعب، وان المغرب دابا هو الخيار القوي.

وحسب نفس المصدر، فگاينة إمكانية كبيرة باش يلعب منتخب الأرجنتين مع المنتخب الوطني المغربي فـ بلاصة الهند، وأن الماتش يكون فـ تيران مولاي عبد الله بالرباط.