كود الرباط//

واحد مشروع “اصلاح صندوق تقاعد البرلمانيين” أو ما يعرف بـ”معاشات ممثلي الأمة” كلشي نساه، أحداث كثيرة وقعت والمشروع باقي فرفوف لجنة المالية بمجلس النواب.

هاد الصندوق لي وصل للافلاس وكلشي باغي يصلحو وكاين لي قدم مقترح الغاء الصندوق وكاين لي باغي ينقص من ميزانيتو وكاين لي باغي يصلحو ويقادو كيف توافقت عليه الاغلبية الحكومية، مزال مكاين والو، هادشي كامل كان فواحد المرحلة “معركة” أطراف سياسية ولي تصيد فيها طبعا هو “البيجيدي” لي كان مرتبك ورضخ لضغوط الأغلبية الحكومة وتبنا مقترح الحبيب المالكي.

مصدر برلمان قال لـ”كود” :” تا واحد مجبدوش فهاد المرحلة يعني تا يدوز مشروع قانون المالية لسنة 2019 عاد ينوضو ثاني ويهضرو عليه يعني مكاين والو ومكايناش ارادة سياسية عند الأحزاب باش تصلحو حيث عارفين شكون لي كيستافدو منو”.

للتذكير مقترح القانون  ديال ستة فرق برلمانية (العدالة والتنمية وفريق التجمع الدستوري وفريق الحركة الشعبية وفريق الاتحاد الاشتراكي والفريق الاستقلالي ومجموعة التقدم والاشتراكية).

وينص مقترح القانون على أن لا يتم صرف المعاش إلا عند بلوغ 65 سنة، عوض صرفه مباشرة بعد فقدان الصفة النيابية سابقا، مع تخفيض المعاش الشهري لأعضاء مجلس النواب إلى 700 درهم عن كل سنة تشريعية، عوض 1000 درهم سابقا.