احمد الطيب كود الرباط//

رد حزب التجمع الوطني للأحرار على خطاب زعيم العدالة والتنمية عبد الاله بنكيران، بلغة الأرقام والإنجازات وبصيغة واضحة مفادها ” لا نثق الا في العمل وليس في الكلام”، حيث استعرض القيادي في حزب الحمامة رشيد الطالبي العلمي مجموعة من الانجازات.

وقال الطالبي العلمي، في لقاء حزب لمنتخبي الاحرار بالرباط يوم أمس :”اتقدم بالشكر الجزيل والاعتراف لأحزاب التحالف الحكومي : حزب الأصالة والمعاصرة وحزب الاستقلال وحزب الاتحاد الدستوري والشكر لمناضلات ومناضلي الحركة الشعبية وهادشي مؤشر ومعيار على التماسك الحكومي اللي كنلمسوه على مستوى المدن والاقاليم والعمالات “.

واضاف “كانت الحكومات ديما مدابزة بيناتها كون مكانش اخنوش انسان غير فاضل لما كان هاد التماسك مع حزب الأصالة والمعاصرة وحزب الاستقلال واللي متمسكين بهاد التحالف”. وتابع الطالبي “هاد الالتزام اكيد غيعطي الاكل ديالو والنتائج ديالو وكنأكد ان المشروع المجتمعي اللي كتخدم عليه الحكومة هو مشروع ايجابي لان الاحزاب كلها عندها التزامات ديالها مع الناخبين ديالها ومدام كيبقاو موحدين معناه العمل الجاد والنتائج لكتوصل.

بخصوص التواصل والانجاز قال العلمي “يتهمون الحكومة بعدم التواصل وعدم الانجاز لانهم كيعرفو انتاج الكلام فقط في حكومة عزيز اخنوش وفي بلدية الرباط ورؤساء مقاطعة حسان سويسي اليوسوفية… ناس مكيعرفوش يهضرو بزاف كيعرفو يخدمو شنو بغيتو كلام ولا عمل نحن نريد عمل وملتزمين باش نخدمو حول الاحرار هو منظومة متماسكة وسعد مبارك جزء من هاد المنظومة “.

وشدد الطالبي بالقول :” لكن المرحلة تقتضي أن يكون فيها سي سعد بنمبارك باش تعطالو تزكية فا 2024 فالبرلمان،”، مضيفا :”نحن في حاجة إلى خبراء ممارسين لان النص القانوني (المسطرة الجنائية- القانون الجنائي) غيكون عندو اثار على المواطنين 50 سنة المقبلة “.

وتابع العلمي :”استحضر كاع هاد النقط ولكن المرحلة تقتضي حضور سعد بن مبارك انا مغنقول لا هضرة غتعجبكم ولا مغتعجبكمش نهار الخميس غنحصيو الوراق وهذا هو المهم حنا عندنا مشروع مجتمعي”.

مساج الاحرار واضح، هو مواجهة الاسلام السياسي ودعم عبد اللطيف وهبي فتنزيل مشاريع قوانين عندها اهمية كبرى، لذلك دعم رئيس مجلس النواب ترشيح سعد بنمبارك باعتباره٬ كيف كيقول٬ محامي متمكن باش يترافع على مشاريع قوانين مهمة بحال المسطرة الجنائية والقانون الجنائي ومدونة الاسرة.

بترشيح بنمبارك غايكون حزب الاحرار، عندو صوت قانوني وحقوقي داخل البرلمان كيقولو الاحرار وكيضيفو “بنمبارك محامي ومدافع شرس عن قيم ومبادئ المساواة والحقوق والحريات”. صعوده للبرلمان غايشكل اضافة نوعية ودعم للتحالف الحكومي وراء وزير العدل عبد اللطيف وهبي.

الاحرار قطع الطريق على الاسلاميين، ودعم وهبي والبام فمسار الاصلاحات القانونية للي كتهدف الى تحديث منظومة العدالة وتحقيق المساواة والدفاع عن حقوق المرأة وتجريم زواج القاصرات، هاد الدعم بان عن طريق ترشيح محامي بنفس حقوقي فهاد الانتخابات الجزئية لي غاتكون فالايام المقبلة.