كود الرباط//
نايضا كلاشات سياسية هاد الصباح فلجنة المالية بمجلس النواب، أثناء بدء المناقشة التفصيلية لمشروع قانون المالية 2025، بحيث بدأ رئيس فريق التجمع الوطني للأحرار، في توجيه سهام النقد والعتاب لحزب العدالة والتنمية.
محمد شوكي، رئيس فريق الأحرار، هضر بالأرقام على الإصلاحات الضريبية لي نفعات اقتصاد البلاد وعطاتو قوة، وزاد ذكر البي جي دي بالتزامات قوانين مالية 2022 و2023، و2024، بلي استطاعت الحكومة تنفذ كاع الالتزامات.
وشدد شوكي بلي المغرب حقق نجاحات اقتصادية، من خلال التصنيفات الدولية، في عدد من المؤشرات، وعطى أرقام تخص تخفيض نسبة العجز وتقليص التضخم.
ووصف شوكي تدبير الحكومة للمالية العمومية بالتدبير المحترف، في المقابل اعتبر ما يروجه فريق البي جي دي بأنه يدخل في خطاب التشكيك الذي يصطدم بالإنجازات.
وقال شوكي بلي نمو الاقتصاد المغربي العام جاي غايكون في نفس مستوى نمو الاقتصاد الصيني.
هاد شوكي باغي يولي سياسي بزز، هو بيزنيس مان من النوع لي مكيفهمش فالسياسة، حيث كاينين رجال أعمال كيطيرو فالسياسة، وداير فيها واعر. للي كولشي عارف وحتى البرلمانيين كيضحكو فاش كينتقد البي جي دي، حيث عارفين بوانو يلا شد الميكرو غايندمو علاش جبدو فالكلمة.
شوكي كيعاود نفس الأسطوانة المشروخة، نفس البوليميك على أزمة الماء، للي هاد الحكومة باقا فاشلة فيها بشهادة أطر قطاع الماء.