كود كازا ///

قالت مجموعة “اكسال” فبيان ليها باللي غادية تفتاتح عدة متاجر فالمول الاماراتي بالرباط “كاروسيل مول”. البيان قال باللي هاد القرار جا بعد مفاوضات بدات من اكتوبر اللي فات.

“اكسال” اللي كيتسيرها سلوى الادريسي اخنوش اكدات باللي غادية تشمل هاد المتاجر “ليفتيز” ديال المجموعة الاسبانية الشهيرة “انديتكس” واللي عندها “زارا” و”ماسيمو دوتي” و”ستراديڤاريوس”. 

ماركة اخرى ديال “اكسال” غادية تكون فالمول الاماراتي بالرباط وهي “Yan&One 

للتذكير هاد المول الاماراتي تفتاتح فاكتوبر 2024 باستثمار 600 مليون درهم ودارتو المجموعة الاماراتية “امكان” عبر فرع ليها فبلادنا. فيه 100 متجر علي 30 الف متر مربع ومطاعم وفضاءات للتنزه وسينما