كود طنجة////

تقارير صادرة من مؤسسات دولية كانت صنفات ميناء طنجة المتوسط من بين الموانئ العالمية، والبنك الدولي قال باللي هاد الميناء هو سادس أكثر موانئ العالم كفاءة، لكن هادشي مبانش فاليومين الماضيين وبان العكس.

وحسب ما علمته “كود”، فإنه خلال الـ48 ساعة الماضية عرف هاد الميناء فضيحة غير مسبوقة، بعدما بقاو صحاب الكاميوات كيساينو لساعات طولية ومزال لحدود كتابة هاد الأسطر كيساينو باش يدوزو.

“كود” هضرات مع البعض منهم من داخل الميناء وأكدوا باللي عايشين “الجحيم” حقاش كاين غير سكانير واحد اللي خدام وشي سكانير آخر خاسر، وهادشي تسبب ليهم في معاناة حقيقية ومزال مصير هاد الشيفورا مجهول داخل الميناء.