وكالات//

سجّلات موسوعة غينيس للأرقام القياسية الأفعى اللي سميتها “إبو بارون” أو “البارونة”، وهي أفعى الشبكة من جنوب سولاوسي فإندونيسيا، كأطول أفعى برّية فالعالم. الطول ديالها وصل لحوالي 7 مترو و20 سنتيم، وكتوزن 97 كيلوغرام.

تلقات هاد الأفعى العملاقة فآخر عام 2025 فمنطقة ماروس، ووثّق الحجم ديالها المستكشف والمصوّر رادو فرنتيو مع مرشد الحياة البرّية مناز نوجراها، حسب ناشونال جيوغرافيك.

وباستعمال شريط قياس كيتبع الانحناءات الطبيعية ديال جسم الأفعى، تقاست “إبو بارون” بلا ما يديرو ليها تخدير، وهاد الشي كيعني باللي الطول الحقيقي ديالها يقدر يكون أكبر إلا كانت عضلاتها مرخيين كاملين”.