كود اكادير //

كسيدة خايبة بزاف وقعات اليوم قبل اذان المغرب فأكادير ماتو فيها جوج شبان.

وحسب مصادر كود فالشبان لي ماتو فالكسيدة فحي ادرار- تيليلا كانو فالطريق الكبيرة لي جايا من مراكش وكانو فجوج مواطر واحد فيهم كبير.

وفور علمها بالحادث حضرات المصالح الامنية و الوقاية المدنية وسيارات نقل الاموات و تم نقل جثث الهالكين لمستودع الاموات فمستشفى الحسن الثاني فاكادير.

وعن سبب الحادث المميت قالت مصادر كود ان من المرجح ان السرعة الكبيرة هي السبب.