الرئيسية > آش واقع > اقتصاد بلادنا غادي مزيان.. “موديز”: تصنيفو تحول من سلبي لمستقر هاد العالم بفضل تحسن الناتج الإجمالي وتدبير الحكومة
04/07/2022 17:45 آش واقع

اقتصاد بلادنا غادي مزيان.. “موديز”: تصنيفو تحول من سلبي لمستقر هاد العالم بفضل تحسن الناتج الإجمالي وتدبير الحكومة

اقتصاد بلادنا غادي مزيان.. “موديز”: تصنيفو تحول من سلبي لمستقر هاد العالم بفضل تحسن الناتج الإجمالي وتدبير الحكومة

كود الرباط //

وكالة “موديز” الأمريكية المتخصصة في التصنيف الائتماني، أكدات داكشي اللي قالت الحكومة المغربية خلال الأسابيع الماضية (تصريحات وزيرة المالية ووزير الميزانية) بخصوص الوضعية المالية المستقرة للمغرب.

“موديز” بدلت تصنيفها فعام، بحيث كانت صنفات المغرب في خانة سلبي في فبراير 2021 بسبب آثار جائحة “كوفيد-19″ على الاقتصاد المغربي، ودبا بدلات توقعاتها بالنسبة لاقتصاد بلادنا وقالت أنه انتقل من تقييم ”سلبي” لـ”مستقر”.

وحسب ما جاء في مذكرة “موديز”، فإن الأسباب تعود إلى الاستمرار قةحسن مؤشرات الناتج المحلي الإجمالي ووصولها لمستويات ما قبل كورونا، بالإضافة لطريقة تدبير الحكومة للأزمات المتتالية اللي كتعيشها البلاد.

واعتبرت الوكالة وهي ثاني أهم وكالة ديال التصنيفات الائتمانية عالميا، أن تصنيف الديون السيادية للمغرب غادي يبقى عند “Ba1″، وأنه حقق تحسن كبير بفضل الإجراءات ديال الحكامة اللي دارت الحكومة، وهادشي كيمكن المغرب من تحسين مؤشرات المالية العمومية والديون، وفي نفس الوقت، يحافظ على الاستقرار الاجتماعي ديال المملكة اللي كتواجه التداعيات ديال التطورات الدولية في أوكرانيا، خاصة في الغذا والطاقة.

الوكالة قالت كذلك بأن التصنيف الجديد كيعكس المرونة الاقتصادية اللي عند المغرب، اللي عندو تراكم ديال احتياطيات العملة الصعبة كتغطي أكثر من 6 أشهر من الواردات، وهدشي كيوفر حاجز لامتصاص تأثير صدمة ارتفاع الأسعار العالمية.

طبعا الفوسفاط المغربي لعب دور كبير فهاد التوازنات المالية، إضافة إلى أن الـ”OCP” اليوم كيلعب دور رئيسي فالأمن الغذائي العالمي، اليوم العالم كامل محتاج فوسفاطنا هادشي كيزيد يقوي مكانة بلادنا فالعالم.

السياحة رجعات للانتعاش بكري، نجوم عالميين جاو لمراكش ومدن ف الشمال، زيد عليها الأيام المقبلة بعد العيد الكبير من المتوقع يكون رواج اقتصادي كبير، إضافة إلى قدرة البلاد فضبظ التحكم. عوامل كثيرة كتخلي المغرب قوي حاليا بفضل حكامة مالية فعهد حكومة أخنوش.

موضوعات أخرى

15/08/2022 09:00

الدولة كتعطي للصحافة الدعم ولخبار لصحابهم ف”جون افريك”. كيفاش سربو ليهم التعديل الحكومي وبالاسم وقبل خبار مرض ام الملك. هاداك الدعم زيدوه فيكم ايلى كنتو ما تايقين فصحفكم

15/08/2022 08:00

“كود” قالت ليكم مافيدوش. وفينك يا بوريطة يا مول لمقص. علاش باش فرانسا كتهين لمغاربة سرطي لسانك وباش كولومبيا عتارفات بالبوليساريو ضربتي الطم

15/08/2022 07:00

تقرير للباروميتر العربي بجامعة “برينستون” الأمريكية : 34 ف المائة من المغاربة باغيين يخويو البلاد والأغلبية لأسباب اقتصادية