الرئيسية > آراء > اقتصاديا مونديال قطر خسر صحاب اللعاقة اللي دايرين الرواج: السعودية وتونس والمكسيك. فلوطيلات شادينهم بزاف. البارات كاينين غير هما فالمولات حاضرين بزاف..
01/12/2022 09:30 آراء

اقتصاديا مونديال قطر خسر صحاب اللعاقة اللي دايرين الرواج: السعودية وتونس والمكسيك. فلوطيلات شادينهم بزاف. البارات كاينين غير هما فالمولات حاضرين بزاف..

اقتصاديا مونديال قطر خسر صحاب اللعاقة اللي دايرين الرواج: السعودية وتونس والمكسيك. فلوطيلات شادينهم بزاف. البارات كاينين غير هما فالمولات حاضرين بزاف..

كود الدوحة ///

البارح ف”فيفا ستور” بملعب المدينة التعليمية” قبل ماتش تونس فرنسا كانو التوانسة خلاو هاد البوتيك ديال الفيفا خاوي. التونيات والتدكارات وكاع اللي عندو علاقة بالمونديال. شراو بزاف. فالمقابل كان داك الشي ديال فرانسا عليك اقبال متوسط. هادو توانسة عايشين هنا وجايين من اوربا وفيهم اللي جاي من الخليج وكاينة فئة جاية من تونس. عندهم الدينار كيف كيقولو. 

كيكونسوميو مزيان. فالمطاعم فالمقاهي فلوطيلات اللي كاينين فالخليج العربي للدوحة ومناطق اخرى واعرة. زيد على هاد الشي جمهورهم شجع مزيان وحيح وعطا حلاوة للمونديال.  اقصاءهم هو اقصاء لفئة عندها قدرة شرائية مزيانة.

الدولة الاخرى اللي كتخسر كثر من تونس وربما هي اللولى اللي كتخسر فلوس فهاد المونديال وودع منتخبها المونديال هي العربية السعودية. السواعدة كيكونسوميو بزاف. تقريبا 70 بالمائة من بارات الدوحة معمرينهم. الاحياء الراقية ساكنين فيها. المطاعم الواعرة شادين معظم طوابلها بلى ما نهدرو على البوتيكات والمولات ووو. كيخسرو فلوس كثيرة. انتصار منتخبهم التاريخي على الارجنتين زاد هاد الحدة ديال الاستهلاك. 

دابا فنادق الدوحة غادية تنقص شوية اثمنها بعد الارتفاع الصاروخي ليها. تزادت حتى 15المرة على الثمن العادي.
 

هادو ما كانوش كيشوفو غير ماتشات منتخبهم. كانو كيشوفو ماتشات اخرى فالتيران ولا ريحو فالبارات ولقهاوي كيخسرو كثر من ثمن التذاكر. 
شعب اخر قالو جاو منو 30 الف وكيخسر بزاف هو جمهور المكسيك. عندهم اغنياء ومرفحين خسرو بزاف فقطر. ضربو 20 ساعة باش يوصلو لقطر كيف قال ل”كود” عدد منهم تلاقاتو فالدوحة. بعض الماركات لكبيرة كتلاقهم بزاف كيشريو. عندهم فئة عندها “بلاطا” كثيرة.

اقصاءهم غادي يؤثر على الاستهلاك٬ خصوصا ان جماهير دول معروفة فالكورة كيبادو يجيو ولكن باعداد قليلة بعد الدور الثاني. غير هو مع البيرة ما كايناش الا ف”فان زوم” والبارات ديال لوطيلات وثمنها غالي٬ غادي يحرم المونديال من فراجة جمهور بحال النگليز.

طبعا حتى اقصاء قطر بمنتخب كان عيان خلى مورال القطريين طايح. اييه فرحانين بالتنظيم ولكن تحبطو من منتخب خسرو عليه فلوس كثيرة وجنسو ليه لعابة. منتخب ما عندوش الروح الوطنية لان فيه لعابة ميرسونير.

دابا باقي الجمهور المغربي. كيكونسومي. عندو الامكانيات. جايين من دول مختلفة. احصائيات لارام كتهدر على شي 7 الاف مغربي جا من المغرب فالماتش اللول. فيهم اكثر من النص من خطوط مباشرة من الدار البيضاء وقطر والباقي جا من تركيا والامارات وكاين اللي طلع من المغرب لاروبا باش يجي.

موضوعات أخرى

02/02/2023 12:30

البرد مزال مستمر فبلادنا.. درجات الحرارة غادي تتراوح بين ناقص 7 و19 درجة ابتداء من غدا حتى لبداية السيمانة الجاية وها البلايص المعنية

02/02/2023 12:15

افتتاح الموندياليطو بطنجة. لا بريطل لا مزند دارو شي حاجة. بجوجهم كومبارس فحفل افتتاح خدموه لفرانساويين ومعاهم شي طاليانيين

02/02/2023 11:44

كانو باغين الملك يعين الرئيس.. التويزي مسؤول فريق البام بمجلس النواب لـ”كود”: ها علاش سحبت الاغلبية مقترح تعديل قانون المجلس الوطني للصحافة والهدف الكبير هو تقوية رئاسة المجلس باش تكون بعيدة على التأثيرات والصراعات

02/02/2023 11:40

الشناوي حارس الأهلي: كنشكر المغرب والشعب المغربي على استقبالهم لنا والمغاربة كان عندهم دور كبير فتأهلنا للربع