استثمار مجموعات سياحية عالمية ف مشاريع الأوطيلات بالمغرب مطير النعاس من المهنيين ديال السياحة فجزر الكناري
كريم الشركي-كود///
الاعلام الاسباني، مابقاش كيهضر على المغرب كبلد يغزو اسبانيا كيف كانت الهضرة هادي اسبايع، وفيها السبان وحشيان الهضرة.
الصبليون من نهار صدمهوم بايدن وتعامل مع رئيس حكومتهم بحال النكرة، تبدلات لغتهم اتجاه لمغاربة، وهادشي بان فمقال لصحيفة ال بيريوديكو، لي دارت مقال كتهضر فيه على حجم المبادلات بين المغرب واسبانيا، وان النغرب هو تاني وجهة كتمشي ليها الصادارت الاسبانية خارج الاتحاد الاوروبي بعد امريكا.
وزادت بأن رجال اعمال مغاربة وصبليون عندهوم أعمال مشتركة فإفريقيا، وان المغرب هو المستثمر رقم واحد فإفريقيا.
وقال بان حجم العلاقات بين البلدين خاصو من جهة أخرى يوصل لحل لمشكل الصحراء، وهاد الحل يتخاذ من المقترحات لي حاطها المغرب فالأمم المتحدة، والصبليون خاصهوم يلعبو دور وساطة فهادشي.