عن صحف اسبانية ////

ارتفعات حصيلة “دانا” فالصبليون ل100 قتيل حسب يومية “الباييس” و95 حسب يومية “الموندو”. كلشي وسائل الاعلام فالصبليون كيتوقعو هاد الحصيلة ترتافع فالساعات المقبلة. الحكومة استعنات بالجيش باش يعاونو فالبحث. دول بحال المغرب وفرانسا عرضات على مدريد فرق من الوقاية المدنية باش يعاونو هاد لبلاد فما سماتو الصحافة الصبليونية “دابا القرن”. الوقاية المدنية ديالهم كيقولو باللي مازال بلايص كثيرة ما عرفوش اش فيها.

“دابا” هو اعصار كيجي نتيجة ظاهرة المنخفض المعزول عند مستويات العالية والمعروفة ب”دانا”. كتصطادم كتلة من الهواء البارد فالارتفاع مع الهواء تالساخن من السطح وكتعطي امطار كثيرة كيف وقع فجهة ڤالينسيا.

وكان وزير سياسة اعداد التراب الصبليوني فيكتور توريس انخيل ان فمدينة بايبورتا مات فيها 40 شخص فيهم 6 فمركز لايواء المتقاعدين. 
القتلى ماشي غير فجهة “ڤالانسيا” اللي كان فيها العدد لكبير٬ ماتو 2 فجهة كاستيا لامانشا وواحد فمالگا

وكانت الحكومة علنات البارح علي 3 ايام حداد وطني علي هاد الفاجعة