كود الناظور //

البارح الاثنين، عتاقلات عناصر الدرك الملكي بسرية العروي، عصابة من 3 ديال المتهمين، كايسرقو باستعمال أسلحة نارية.

وقالت مصادر محلية أن العصابة هجمات على فيرما، وهددات العساس بالقرطاس، وسرقو الأثاث، آالات فلاحية، وفاش خرجو تعرضو لسيارة وبغاو يسرقوها، وملي هرب الشيفور تيراو عليه بالقرطاس.

الشيفور مشى فالحين بلغ بهاد الجرائم، الشي اللي خلى الجوندارم يتحركو ويعتاقلو المتهمين ف24 ساعة.