وكالات//

نجمة هوليوود باريس جاكسون، بنت مايكل جاكسون ملك البوب، خرجات بتصريح صادم وقالت بلّي عندها ثقب فالحاجز ديال نيفها، وأكدات بلّي تعاطي المخدرات فالماضي “خرّب ليها حياتها”.

فواحد الفيديو دارتو فـ”تيك توك”، وْرّات الثقب الصغير اللي عندها فنيفها باستعمال الضوء ديال تليفونها، وقالت: “كيخرج مني صوت صفير قوي بزّاف ملي كننفّس من نيفي”. وزادت شرحات بلّي الحالة ديالها ماشي بحال الانحراف العادي ديال الحاجز الأنفي.

@parisjacksonbrasil

وحذّرات باريس جاكسون، اللي عندها 27 عام، الجمهور ديالها وقالت: “ما تدخلوش فالمخدرات، راه خايبة بزّاف”. وأكدات بلّي ما تنصح حتى واحد يجربها، حيت هي شخصيًا قالت “دمرات لي حياتي”.

وزادت قالت بلّي ما ناوياش تدير عملية تجميل باش تصلّح نيفها، حيت العملية غادي تفرض عليها تاخد دوايات خاصة.

وكشفت بلّي المشكل بدا عندها منين كانت عندها 20 عام، وكان كيدير ليها الإزعاج خصوصًا ملي كتكون خدامة فالأستوديو. وبطريقة ضاحكة، قالت بلّي تقدر تدوز سباغيتي من الثقب ديال نيفها.