كود كازا ///

قال مصدر من “كومادير” =الكونفدرالية المغربية للفلاحة والتنمية القروية ل”كود” باللي غاديين يدعيو نقابة الفلاحين لفرانسيس FDSEA اللي عترضات صادرات مغربية وفتحاتهم ودارت تحاليل ليهم فلابوراطوارات باش يقولو باللي فيهم مبيدات محظورة.

مصدر “كود” اكد باللي تصرف هاد الجمعية خطير. باللي هاد الشي ماشي شأن فلاحة وباللي كاين مؤسسات فالمغرب “اونسا” =المراقبة الصحية= و”موروكو فوديكس” =الجودة= كيراقبو كلشي وباللي ديك المبيدات للي هدرو عليها ممنوعة فبلادنا.

اللي ما عجبش “كومادير” وفق مصدر “كود”٬ هو التصرف الخطير وغير المسبوق للي دارتو “FDSEA

وكانت “كومادير” دعات نقابات صبليونية عترضات شي 20 كاميو فيه صادرات مغربية وتلفو محتوياتو من الخضر والفواكه٬ وكلفات جوج محاميات من مدريد. توقعات مصادر “كود” باللي نفس المحاميات يحطو شكاية لFDSEA ففرانسا

الموضوع خدا بعد سياسي٬ اذ تناقش فيه وزير الخارجية ناصر بوريطة مع ديال فرانسا سيجورني باش تلاقاه هادي سيمانا فالرباط. وتجبد حسب مصادر “كود” قضية اتلاف الفلاحة ديال فرانسا لصادرات فلاحة مغاربة