الرئيسية > كود سبور > اعتراض الطاس على صفقة انتقال بن التايك للرجاء طلع غير إشاعة
06/08/2022 07:00 كود سبور

اعتراض الطاس على صفقة انتقال بن التايك للرجاء طلع غير إشاعة

اعتراض الطاس على صفقة انتقال بن التايك للرجاء طلع غير إشاعة

كود سبور//

تأكدت السلامة ديال صفقة انتقال اللاعب محمود بن التايك ديال فريق الإتحاد البيضاوي إلى فريق الرجاء الرياضي، وذلك عكس عدد من الإشاعات لي راجت حول الصحة ديال هاذ التعاقد وقالت على أن الصفقة تبرمت بلا خبار “الطاس” وأن فريق الحي المحمدي كيعارض انتقال اللاعب نحو الرجاء.

مصدر من داخل إدارة الإتحاد البيضاوي، نفى لكود الإشاعات لي كتروج حول أنه كاين مشاكل فالصفقة ديال انتقال محمود بن التايك إلى الرجاء أو أنها تمت بلا الموافقة ديال فريق العربي الزاولي، مؤكدا على أنه ما كاين حتى مشكل بل بالعكس، الأمور تمت بشكل سليم وتم الاتفاق ما بين جميع الأطراف وتوقعات الصفقة فظروف جيدة.

ووقع فريق الرجاء الرياضي مع اللاعب محمود بن التايك لي كيشغل مركز ظهير أيسر عقد كيمتد لمدة ديال 3 سنوات، باش يكون إذا من بين الانتدابات لي قام بها هاذ الصيف إستعدادا للموسم المقبل، لي ناوي فيه الفريق الأخضر ينافس على جميع الألقاب تحت القيادة ديال شيخ المدربين التونسي فوزي البنزرتي.

موضوعات أخرى

07/08/2022 14:00

الاستئناف اللي تقدم بيه إمام مغربي فأكبر جامع فمولينبيك ترفض.. صافي تكونفيرمات غادي يحيدو ليه تصريح الإقامة و10 سنين ما يدخلش للبلاد

07/08/2022 12:30

أقدم سد فالمغرب حبس الما على الفيرمات والفلاحين كبد خسائر مالية كبيرة لماليه.. ومصدر بوزارة الماء لـ”كود”: الاولوية للماء الصالح للشرب وكازا كتعيش سكتة مائية