الرئيسية > آش واقع > اعتبراتو مخالف للقوانين وكيهدد صحة المواطنين.. نقابة دالأطباء كتطالب بسحب مقترح قانون كيسمح للفارماسيان يبدل الدوا اللي كيكتبو الطبيب للمرضى
21/05/2020 11:52 آش واقع

اعتبراتو مخالف للقوانين وكيهدد صحة المواطنين.. نقابة دالأطباء كتطالب بسحب مقترح قانون كيسمح للفارماسيان يبدل الدوا اللي كيكتبو الطبيب للمرضى

اعتبراتو مخالف للقوانين وكيهدد صحة المواطنين.. نقابة دالأطباء كتطالب بسحب مقترح قانون كيسمح للفارماسيان يبدل الدوا اللي كيكتبو الطبيب للمرضى

عفراء علوي محمدي- كود//

استنكرات النقابة الوطنية لأطباء القطاع الحر تقديم مقترح قانون لتعديل مقتضيات المادة 29 من القانون 04-17 بمدونة الأدوية والصيدلة يسمح بإستبدال الصيادلة للأدوية الموصوفة من طرف الطبيب المعالج، وطالبات بالسحب ديالو.

وقالت النقابة، فبيان ليها توصلات بيه “كود”، أن هذ الممارسة كتشكل خرق للقانون الجاري به العمل، وخصوصا المادة 108 من القانون 131/ 13، بحيث كتعتبر ممارسة غير قانونية للطب، وانتحال لصفة طبيب.

واعتبرات بللي السماح باستبدال الأدوية الموصوفة من طرف الطبيب المعالج غيعرض صحة المرضى للخطر، حيت الطبيب هو المؤهل علميا وقانونا لاستبدال الدوا الموصوف، وعمل الصيدلي مرتبط بتسليم الدوا وتوضيح طريقة تناوله، طبقا للمادة 29 من القانون 04-17.

وقالت بللي بحال هذ القرارات، اللي وصفاتها ب”الخطيرة”، غتخلق بلبلة واحتقان بين مهنيي الصحة، فهذ الظرفية اللي البلاد محتاجة فيها للأطر الصحية للتصدي لفيروس كورونا المستجد، وممكن تنتج عليها “عواقب وخيمة على المنظومة الصحية عامة وعلى صحة المواطن خاصة”، حسب البلاغ نفسو.

موضوعات أخرى

31/05/2020 15:30

غضب كبير ضد الحيونات اللي طلاو النصب التذكاري ديال اليوسفي فطنجة.. مسوؤلون ونشطاء: عمل جبان وهادي ماخصهاش دوز مرور الكرام

31/05/2020 15:00

لتشجيع السياحة الداخلية أولا خاص يتحيد داك الشرط المتخلف ديال عقد الزواج في لوطيلات.. راه أصلا الكوبلات كيسافرو قبل الزواج.. نهار كيديرو الكاغيط كيشدو لرض فشي برطمة ويبداو يخلصو الكريدي ويسافرو عند العائلة حيت ولاو مزوجين دابا