وكالات//

حضرات كيم كاردشيان لماتشات كبيرة ديال الكرة هاد السيمانة، غير الجمهور ديال هاد الفراقي اعتابروها منحوسة حيت الوقت لي كتشجع شي فرقة كتخسر.

في الأول حضرات نجمة تلفزيون الواقع الماتش ديال أرسنال الإنكَليزي ضد سبورتنكَ البرتغالي في لندن وخسر أرسنال لي كان متصدر الدوري الممتاز.

من بعد حضرات كيم هي ولادها وتفرجو في الماتش ديال باريس سان جرمان ضد رين في باريس، وهنا خسر باريس سان جرمان لي كانت كتشجعو.

من بعد هاد الخسارة، داعت في الإنترنت هاشتاكَ “لعنة كيم كاردشيان”، وكين لي بدا كيقمر على الفريق لي غادي تشجع كيم مستقبلا وغادي يخسر.